शुक्रवार, 26 अगस्त 2011

બે-ચાર ડામ સંસદની ગરિમાને કુલે

સંસદિય પ્રણાલી...સંસદની ગરિમા...સંસદિય સર્વોપરિતા...આવા અલંકારિક શબ્દો આજકાલ બહુ સંભળાય છે. અન્નાના આંદોલનથી હાકીબાકી થઈ ગયેલી સરકાર સંસદની દુહાઈ દઈ રહ્યુ છે. ડફોળો અને દાધારંગાઓ પાછા કહે છે કે અન્નાના આંદોલનથી લોકશાહીને ખતરો છે, સંસદને ખતરો છે. એની માનું નળુ ખતરો છે...

મુંછો કરતા મોટા નેણ ધરાવતા લુચ્ચા વકીલોનો જમેલો ધરાવતી સંસદ...

ભ્રષ્ટાચાર કે અપરાધના કેસ ધરાવતા 182 જેટલા સાંસદોનું આશ્રય સ્થાન સંસદ...

કોર્પોરેટ લોબિઇસ્ટ નિરા રાડિયા જેવાના ઇશારે મુજરો કરતી સંસદ...

વેશ્યાની જેમ પૈસાથી કેશ ફોર વોટમાં ખરીદાઈ જતી અને એનું લાઇવ પ્રસારણ બતાવતી સંસદ...

ગલીના ગુંડાની જેમ માઇક, ખુરશીના છુટ્ટા ઘા કરતી સંસદ...

અન્ના આંદોલનથી લોકશાહીને ખતરો નથી, હાલની સંસદીય પ્રણાલીથી લોકશાહીને ખતરો છે. આ સંસદ એ સંસદ કમ ભ્રષ્ટાચારીઓનું કબાડખાનું વધારે છે. હરામખોરોને ખતરો એ વાતનો લાગે છે કે આખા રાજકીય પક્ષને મળે એ કરતા વધારે લોકસમર્થન અન્નાએ એકલાએ મેળવ્યુ છે. અને અન્નાનો કાયદો આવ્યો તો પોણી સંસદ જેલમાં જાય એમ છે.